सुजित बिडारी निर्देशित ‘ऐना झ्यालको पुतली’ दक्षिण कोरियाको बुसान इन्टरनेसनल फिल्म फेस्टिभलको मुख्य प्रतिस्पर्धा ‘न्यु करेन्ट्स’मा छनोट भएको छ। यस प्रतिस्पर्धामा पुग्ने यो पहिलो नेपाली चलचित्र हो।
‘न्यु करेन्ट्स’मा नयाँ निर्देशकका पहिलो वा दोस्रो चलचित्र सहभागी हुन्छन्। छनोटले नेपाली चलचित्रलाई अन्तर्राष्ट्रिय दर्शक र चलचित्रकर्मीमाझ प्रस्तुत गर्ने अवसर दिएको छ।
कोभिड–१९ का कारण फेस्टिभलको २५औँ संस्करण फरक परिस्थितिमा आयोजना हुने तय भएको थियो। सन् २०२० को कार्यक्रम अक्टोबर २१ देखि ३० सम्मका लागि निर्धारित थियो।